Ohikoa da festetan sagardo dastaketa egitea, baina ez hainbeste sagardo txapelketa. Hernialden bada XXVII.a dute aurtengoa. Sei lagunek osatu dute epaimahaia eta txandaka probatu dituzte lehian parte hartu duten zortzi sagardo desberdin. Petritegi, Lizeaga, Barkaiztegi, Izeta, Sarasola, Rezola, Otsua-enea eta Urruzola izan dira parte hartzaileak. Bien bitartean astoa balkoitik begira geratu da. Aurten, ez dute jaitsi, Igaro Balda alkateak aipatu duenez, nekatu xamar aurkitu dute eta festak balkoian bertan ikusmiran pasatzea hobe izango dela pentsatu dute. Asteazkena bitarte, Andra Mari jaiez gozatzeko tartea izango du, bai astoak, eta baita herritarrek ere.
Hernialdeko Andramari jaiak 2018
Hernialde ere murgildu da festan
Astoa balkoitik jaitsi ez badute ere, suziriek eman diete hasiera aurtengo festei Hernialden. Indartsu hasi dituzte gainera sagardo txapelketarekin.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!