Profesionalen txanda izan zen atzo Hernialden, eta gaur, herritarrak izan dira herri kirolen protagonista. Gaur amaituko dira lau eguneko festak, amaierako traka bota ondoren.
12:00etan, meza nagusia izan da eta ondoren, hamaiketakoa egin dute herriko elkartean. Arratsaldean, herritarren arteko herri kirolak izan dituzte. Argi geratu da lehia baino, festa giroa jartzea dela garrantzitsuena.
Gauean, zahagi ardoa izango da herriko plazan, eta Laja eta Narbaiza trikitilariak arituko dira ondoren giroa alaitzen. Gauerdian, festa amaierako traka botako dute, baina ikusiko da noiz arte luzatzen den festa; izan ere, hurrengo urtera arte agurtu beharko dituzte festak hernialdetarrek.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!