12:00etan, meza nagusia izan da eta ondoren, hamaiketakoa egin dute herriko elkartean. Arratsaldean, herritarren arteko herri kirolak izan dituzte. Argi geratu da lehia baino, festa giroa jartzea dela garrantzitsuena.
Gauean, zahagi ardoa izango da herriko plazan, eta Laja eta Narbaiza trikitilariak arituko dira ondoren giroa alaitzen. Gauerdian, festa amaierako traka botako dute, baina ikusiko da noiz arte luzatzen den festa; izan ere, hurrengo urtera arte agurtu beharko dituzte festak hernialdetarrek.