Igandean, 10:00etatik 14:00etara egingo dute plaza inguruan eta arratsaldez, asto desafioa izango da.
IV. Nekazal, abeltzain eta artisautza feria egingo dute Hernialden datorren igandean. Bertako baserritarren, animalien eta hegaztien erakusketa egingo da eta artisauak izango dira tartean: taila, hosto metalizatuak, margolanak eta abar erakutsiko dituzte. Baserriko lanabes zaharren erakusketa ere jarriko dute.
18:00etan, asto desafioa egingo dute. Eneko Sein hernialdetartuaren eta Koatei errezildarraren artekoa izango da. Asto parea, asto bakarraren kontra ariko da 550 kiloko harriarekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
