Atxiloketak asteartean izan ziren, Hernialdeko landa eremu batean. Atxilotuak 27 eta 39 urte artekoak dira, Italiako eta Frantzako nazionalitatea dute, eta horietako batek atxilotzerakoan pistola bat zeramala esan du Ertzaintzak.
Guztira 729 kalamu landare aurkitu dituztela azaldu du Barne Sailak. Horietatik 429 baserriaren barruan, eta beste 300 kanpoko lurretan. Erregistroan kalamua landatzeko, jasotzeko, tratatzeko eta eraldatzeko azpiegitura aurkitu dutela gaineratu du. Horrez gain, besteak beste, billeteak kontatzeko makina bat, dokumentazio faltsua, atzerriko dirua, pistola elektriko bat eta aire eskopetak aurkitu dituzte.