Asteburu Kulturalaren harira azoka egin dute goizean Gaztelun. Herriko eta inguruko artisau eta nekazariak bildu dira plazaren bueltan, eta denetariko produktuak eskaini dituzte; besteak beste, bitxiak, jostailuak, egurrez egindako produktuak edota barazkiak. Haurrak jolasean ere aritu dira Sualmak jarritako egurrezko jostailu gunean.
Arratsaldera arte izango da zertaz gozatu Gaztelun. Izan ere, eguerdian, jubilatuen bazkaria egin dute ostatuan, eta eguna borobiltzeko, 18:00etan, The Mitchells vs Machines filma eskainiko dute eskolan.