Asteburu Kulturala ari dira ospatzen Gaztelun, eta egitarauko azken eguna dute gaur. Goizean, plazaren bueltan bildu dira herriko zein inguruko artisau eta nekazarien postuak; guztira, 20 postu inguru izan dira. Horietan denetariko produktuak ikusi, dastatu eta erosteko aukera izan da, eta tartean haurrentzako tailerrak ere antolatu dituzte; batzuk artoa ereiten ikasten aritu dira, beste batzuk loreekin eskulanak egin dituzte, eta beste batzuk oihalezko txoriak egin dituzte.
Azoka amaituta, eguerdian, jubilatuen bazkaria egin dute Erroizpe elkartean, eta arratsaldean, Jone batzuetan filmaren proiekzioa izango dute, 18:00etan hasita.