Bigarren eguna dute Gazteluko festek eta goizean, besteak beste, sega proba egin dute herriko gazteek. Guztira hamar lagun aritu dira lanean bikoteka, eta bakoitzak 75 metro karratuko azalera moztu du. Proban azkarrenak izan dira Aner Zunzunegi eta Inge Goikoetxea (3'47''); eta haien atzetik amaitu dute, hurrenez hurren, Loreak eta Xarek (4'15'') eta Iratik eta Haizeak (4'28'').
Laugarrenak izan dira Mari eta Urko (5'14'') eta bosgarren postuan sailkatu dira, berriz,, Xuban eta Klaudia (5'35''). Lehen urtea dute sega ligaxkan, eta gaurko denborak aurreko saiokoei gehituko dizkiete.
