Gaurtik larunbatera festa izango da Gaztelun. Ama Birjinaren jaien barruan denetariko jarduerak antolatu dituzte, eta lehenak egin dituzte dagoeneko. Haur jolasekin hasi dute eguna eta ondoren izan da jaien hasiera iragartzeko ekitaldia.
Bertan omenaldia egin diete Hosto Txiki baserriko Esteban Pagola eta Ester Susperregi senar-emazteei, hain zuzen, 38 urteren ondoren Gaztelutik Ibarrara lekualdatuko direlako. Hitza hartu du bikoteak ekitaldian, eta herritarrei eskerrak ematearekin batera goraipatu dituzte Gaztelu eta bertako festak.
