«Paraje dotorean dago gure herriko ostatua, Tolosatik 6 kilometroetara eta instalazio eraberrituekin. Terraza ederra du kanpoan, bezeroen erakargarri nagusienetako bat izango dena, baina ez bakarra, barruan herri kiroletako erakusketa bat ere topatuko baitute bisitariek. Jangela apartu du, 40tik gorako jatunentzat lekua duena eta jokoen leku bat ere aurkituko duzue bertan. Sukalde ederra dauka ostatuak, baldintza ezin hobetan lan egiteko», adierazi du Eider Olazar alkateak.
Erraztasunak ere jarri dituztela jakinarazi du, «alokairu oso merkea eta laguntza gastuetan». Hortaz, Gazteluko ostatua hartzeko interesa dutenek edo baldintzen berri izan nahi dutenek udalarekin jarri beharko dute harremanetan, 943 20 52 00 zenbakira deituta edo udala@gaztelu.eus helbide elektronikora idatzita. Pleguak web orrian daude ikusgai.