Gazteluko Ama Birjin jaien hirugarren eta azken eguna ari dira ospatzen, eta herritarren arteko herri kirol lehia izan da arratsaldeko ekitaldi nagusia. Helduak eta haurrak nahastuta, bi taldetan banatu dira; alde batetik talde urdina, eta bestetik gorria. Segan, txingetan, zakuan, ingudean, lokotxetan eta korrika aritu behar izan dute, eta talde gorria izan da garaile 13 minutuko lana osatuta.
Herri kirolen ostean, festak ez du etenik izan Gaztelun. Lehenik; Kittu taldearekin dantzaldia egiteko parada izan dute, eta gauean, herri afaria egingo da frontoian.