Hiru eguneko festak antolatu dituzte Gaztelun. Abuztuaren 13tik 15era izango dira, eta plazan egingo den barrikotearekin ekingo diete jaiei. Ondoren, Manex Astigarragak bakarrizketa saioa eskainiko du herriko elkartean.
Bigarren eguna umeei begirakoa izango da. Txupinazoa jaurtitzearekin batera, umeek haur jolasekin, altxorra bilatzearekin, bazkariarekin eta zirku jolasekin gozatzeko aukera izango dute. Helduek ere izango dute zerekin gozatu bigarren egunean; izan ere, sagardo dastaketa musikatua eta herri afaria egingo baitira gauean. Bapo jan eta gero, Emaion taldearen erromeria izango da entzungai.
Azken egunean, abuztuaren 15ean, herriko txistulariek jotako dianarekin ekingo diote egunari, eta jaiei jarraipena emateaz, toka txapelketa eta bertsopilota arduratuko dira. Arratsaldean berriz, herritarren arteko kirol lehia egingo da, 18:30etatik aurrera.
