Auzolanean abiatuko dute, larunbatean, Gazteluko Udaberri Festa. Horretarako, Uliko borda txukunduko dute, 9:00etatik 14:00etara. Boluntarioek aurretik egingo dute hitzordua, 8:00etan plazan, materiala igotzeko, eta ondoren, herritar guztiak elkarrekin igoko dira.
Lanak amaituta, festari hasiera emango diote arratsaldean. Hain justu, krep tailerra egingo dute 17:00etan, plazan, eta ondoren, bertan kozinatutakoak dastatzeko aukera izango da. Musikak ere ez du hutsik egingo, eta 18:30etatik aurrera, DJ Zigor Lamprek eskainitako doinuek dantzan jarriko ditu herritarrak Zimiterioan.
Amaitzeko, Palestinaren aldeko elkartasun afaria egingo dute 21:00etan, Erroizpe elkartean. Gaur izango da izena emateko azken eguna udaletxean.