Ixa Rodriguez Soraluzeko boxeolaria eta boxeo irakaslea izan dute gidari Gazteluko emakumeek boxeoan murgiltzeko. Feminismoan hazten eta hezten egitarauaren barruan boxeo tailerra egin dute, eta herriko zazpi emakume animatu dira kirol hori praktikatzera. Tailer horrekin emakumeek erronka pertsonal eta kolektiboei aurre egiteko gaitasunak dituztela erakutsi nahi izan dute.
Rodriguezek hainbat garaipen eskuratuak ditu kirol horretan, eta gisa horretako tailerrak eskaintzen ditu. Adinekoen egoitzetan ere izaten da boxeoa terapia moduan erabiltzen.