LPSak Larte-Erroizpe eremua «zentral eoliko handiak» eraiki ahal izateko kokalekutzat jasotzen duela azaldu dute udaletik. Ondorengo arrazoiengatik jarri dute alegazioa: «Prozesuan informazio eta parte-hartze eskubidea urratu da; metodologia zalantzazkoa izan da; babestuta dauden hegazti eta ugaztunen bizitokia da; aztarna arkeologikoak ditugu bertan; abeltzaintzarako mendiko larreak dira eta herrigunetik oso gertu».
Gazteluko Udalak LPS berria egitea eskatu du, lurralde ikuspuntu integrala duena, eta beharrezkoak ez diren energia-kontsumoen murrizketarekin eta energia-eraginkortasunarekin bat joango dena. Baliogabetuko ez balute, ingurunea eolikoak jartzeko aproposa ez dela izendatzea eskatu dute udaletik.