Joan den maiatzaren 28ko udal hauteskundeetan nahiz eta parte hartzea ia herri gehienetan jaitsi, EH Bilduk 2019an baino hamar boto gehiago eskuratu zituen Gaztelun. Beraz, udaleko bost zinegotziak koalizio abertzalearenak izango dira.
Orain arte, Edurne Garzia izan da Gazteluko alkate eta bere lekukoa hartu du gaur goizean Eider Olazarrek. Eguerdian udaletxeko arkupeetan esker ekitaldia egin diete orain arteko udal ordezkariei. Aurreskua dantzatu diete.
Gazteluko udalbatza ondorengoek osatuko dute:
- Eider Olazar Elduaien (EH Bildu)
- Nerea Sanchez Lopez (EH Bildu)
- Tamara Loriente Arias (EH Bildu)
- Beñat Zubiria Ibarguren (EH Bildu)
- Amale Zinkunegi Artzelus (EH Bildu)
