Asteburu Kulturala antolatu dute Gaztelun. Ekitaldi ugari izango dira igandea bitarte, eta igandean bertako produktuekin osatutako azokarekin amaituko dituzte ekitaldiak. Larunbatean lehen aldiz babarrun lehiaketa egingo dute, gainera. Bikoteka parte hartu beharko da, herriko ekoizle bat eta sukaldari bat, eta herriko babarrun beltza (kilo erdia) prestatu beharko du norberak etxean eta eguerdirako Erroizpe Azpiko Kirol eta Kultur elkartera eraman. Bertan, epaile lanak egingo dituzte herriko hiru emakumek: Roxita Gabirondo, Gotzone Ijurko eta Esther Susperregui. Segidan, lehiaketarako prestatutako babarrun jatea egingo da elkartean.
Egitaraua
Azaroak 4, ostirala
- 20:00. Pintxo lehiaketa eta afaria Erroizpe Azpiko Kirol eta Kultur elkartean
- 22:00. Mice-ren kontzertua Ostatuan
Azaroak 5, larunbata
- Babarrun lehiaketa bikoteka (sukaldaria eta ekoizlea)
- 13:00. Babarrunen aurkezpena.
- 14:00. Babarrun jatea elkartean
- 17:00. Txokolate jatea.
- 18:00. Kontu Konta kantaldia Itziar eta Joxeanekin.
- 21:00. Kantu afaria Ostatuan.
Azaroak 6, igandea
- 11:00-14:00. Bertako produktuekin eta artisauen lanekin osatutako azoka. Sagardo eta mosto dastatzea eta pintxoak zein gaztainak izango dira.
- 14:00. Jubilatuen bazkaria Ostatuan.