Gazteluko jaiak 2022

Sega eskolako kideak omendu dituzte festen hasieran

Jon Miranda Labaien 2022ko abu. 14a, 15:05

Atzo plazan egindako barrikotearekin abiatu zuten Gaztelun hiru eguneko jai egitaraua. Gaur bota dute txupinazoa eta herriko sega eskolako kideak eta haien gidari Joxe Gabirondo omendu dituzte.

Gaztelun jaietan daude. Ama Birjin egunaren bezpera umeentzako eguna izaten ari da. Umeentzako jolasak izan dituzte goizean: tirolina, serigrafia tailerra eta plazan hainbat jolas izan dituzte. Eguerdian bota dute festei hasiera emateko txupinazoa eta une hori baliatu dute Gazteluko sega eskolako kideak omentzeko. Bertan ibiltzen diren gaztetxoekin batera, eskolako buru den Joxe Gabirondo ere omendu dute ekitaldian. Hunkituta jaso du aitortza eta eskolaren proiektua gauzatu ahal izan dadin parte hartu duten guztiak hartu ditu gogoan.

Umeak izango dira protagonista gaurkoan eta elkarrekin bazkalduko dute frontoian. Bertan egingo dute, gaur 21:30ean herri afaria. 100 lagun inguruk eman dute izena afarirako eta ostatuan sartzen ez direla ikusita, frontoira leku aldatu dute. Hau da gaurko egitaraua.

  • 16:30. Apar festa.
  • 18:00. Txokolatada.
  • 19:00. Erroka taldearen kontzertua.
  • 21:30. Herri afaria ostatuan.
  • Ondoren. DJ kolektibo-herrikoia.

Gaztelun festak bihar bukatuko dira.

Erlazionatuak

Gazteluko sega eskolari omenaldia

Tolosaldeko Ataria 2022 abu 14 Gaztelu

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!