Aurten ere Udaberri Festa antolatu du Gazteluko Udalak. Datorren larunbatean, hilaren 21ean izango da, eta ekitaldiak egun osoan izango dira.
Hasteko, sendabelar eta landare jangarrien tailerra izango da Pili Otaegirekin. 11:00etan egin dute hitzordua, eta plazatik abiatuta, mendi buelta egingo dute. Bildutako landareekin bazkaria egingo dute, Erroizpe Azpiko Kirol eta Kultur elkartean.
Arratsaldean, berriz, krepen merienda egingo dute, 17:00etan, eta ondoren, 18:30ean, La Jodedera taldearen kontzertua izango da eliza atarian. 21:00etan afari legea egiteko elkartuko dira herritarrak, elkartean.
Udaletik esan dutenez, tailerrerako nahiz afarirako hilaren 19a baino lehen eman beharko da izena.