Festetan egin ohi dute herri kirol lehia beste herriko batzuen aurka, baina aurten, egoera berri honetan, herritarren arten egin dute lehenengo aldiz, eta berritasuna ere izan da haurrek parte hartu dutela. Herria bi parte edo auzotan banatu dute taldeak egiteko. Plazatik goialderakoek Harro-Haize taldea osatu dute, laranja kolorez aritu dena, eta plazatik behealdekoek Bekolarre taldea, berdez aritu dena. Segan, zaku lasterketa, korrika, lokotx biltzen eta txingan aritu dira, eta txingan ez beste guztietan, haur eta helduek parte hartu dute. Lehia polita egin dute gazteluarrek eta azkenean Harro-Haize taldea izan da garaile. Baina, gaurkoan, garbi zegoen, parte hartzea zela garrantzitsuena.
Herritarren arteko herri kirol lehia egin dute arratsaldean Gaztelun, Kultura Udara egitarauaren barruan. Euri langarra egin du probak iraun duen bitartean, baina gogoz aritu dira haur zein helduak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!