Ohiko moduan festarik ez dute ospatuko, baina, egoeraren aurrean, kulturaz gozatzeko tartea hartuko dute Gaztelun, festak antolatu ohi dituzten egunetan; irailerako ere ikuskizun bat adostu dute. "Edozein kasutan, eta betiere, jende pilaketak eragotziz eta beharrezko neurriak hartuz, zenbait kultur ekimen aurrera eramatea beharrezkoa dela uste dugu, herritarron arteko harremanak mantentzeko", esan dute kultura batzordekoek.
Abuztuak 13
- 22:00etan, udako zinema haurrentzat: Calamity pelikula.
Abuztuak 14
- 10:30ean, kamisetak serigrafiatu eta segidan, apar-festa haurrentzat.
- 13:00etan, omenaldia herriko pertsona esanguratsu bati, aurten, Norberta Lobregati.
- 18:00etan, txokolatada.
- 19:00etan, Distopia elektrotxaranga.
Abuztuak 15
- 09:30ean, diana herriko txistulariekin.
- 10:00etan, mendi buelta Uliko bordara.
- 18:00etan, herriko bi taldeen arteko herri kirolak.
- 19:00etan, Eingo taldea.
Irailak 12
- GenEro dantza ikuskizuna plazan, Kimua dantza kolektiboak eskainita.