Espainiako Espetxe Erakundeetako Idazkaritza Nagusiak erabaki du bi euskal preso Euskal Herriratzea, hiru Euskal Herritik gertuago dauden kartzeletara hurbiltzea eta bat lekualdatzea, eta tartean dago Andoni Goikoetxea gazteluarra. 2019ko apirilaren 25ean espetxeratu zuten, zazpi urteko zigorra betetzeko, eta hiru laurdenak 2024ko uztailean beteko ditu. Egun Dueñasen dago eta El Duesora gerturako dute, eta bigarren gradua eman diote ere.
Horiek horrela, Iratxe Yañez eta Valentina Morisoli Euskal Herriratuko dituztela jakinarazi dute. Eta Iker Olabarrieta eta Asier Arzallus Logroñora gerturatuko dituzte. Biak Sevilla II-ko kartzelan daude bertan, eta ondorioz aurki ez da Euskal Preso Politikoen Kolektiboko presorik egongo bertan. Bi presoek bigarren gradua izango dute ere. Gainera, Juan Luis Agirre presoa lekualdatuko dute, Zueratik (245 km) Soriara (260 km).