Bi urte, lau hilabete eta egun bat dokumentala ikusi nahi duenak gonbidapena jaso behar du. Gazteluko udaletxean egongo dira eskura, bertara joanda edo telefonoz 943 205200 zenbakira deituta.
Lander Garrok zuzendutako dokumentalak derrigorrezko soldaduskaren aurka borrokatu zuten 6 lagunen istorioa kontatzen du. Gauza asko daukate komunean 6 lagunek: denak giltzaperatu zituzten soldaduskari uko egin izanagatik, eta denek nahiago izan zuten kartzela ejertzitoa baino. Arrazoi asko egon ziren intsumiso izateko: bakezaletasuna, pentsaera anarkista, abertzaletasuna edota sinesmen erlijiosoak. Ezberdinak denak ere, baina guztiek erakutsi zuten ausardia eta tema handia, harik eta Estatuari borroka irabaztea lortu zuten arte.