Tolosaldeko Amnistiaren Aldeko Eta Errepresioaren Aurkako Mugimenduak jakinarazi zuenez, maiatzaren 30ean 24 orduko baraualdia egin zuen Andoni Goikoetxea preso politiko gazteluarrak Patxi Ruizi elkartasuna adierazteko. Hurrengo egunetik aurrera, itxialdi mugagabean sartu zen gazteluarra, gaur arte.
Andoni Goikoetxearen senideek gaur jakinarazi dutenez, asteartetik gazteluarra senideei telefonoz deirik egin gabe zegoen, eta ez zekien Patxi Ruiz presoak gose greba utzia zuela. Honenbestez, eta albistea jakitean, Andoni Goikoetxeak Ruizekiko eginiko elkartasun keinua bukatutzat eman du itxialdia utziz.