Gazteluko jaiak 2019

Badatoz kimu berriak Gaztelun

Ama Birjin egunez, herriko jaietan herri kirol saioa egin dute Gaztelun; Joxe Gabirondorekin ikasi duten herriko gaztetxoek lehen aldia izan dute, gaur, segan.

7 eta 11 urte artean dituzte Anerrek, Naiak, Xubanek, Marik, Nahiak, Loreak eta Ingek. Azken hilabete eta erdian segan ikasi dute eta gaur egin dute lehen plaza herriko festen barruan. Gazteluko guraso elkarteak esker ona adierazi die Joxe Gabirondo eta Josune Gorostidiri, azken hilabeteotan, umeei erakusteko hartutako denboragatik.

Herritar gehiago ere aritu dira segan, baita trontzan eta aizkoran ere. Giro onak lagunduta gerturatu direnena urrean egin dute saioa eta harri jasotzen Joseba eta Udane Ostolaza aritu dira. Erakustaldia egin dute harri ezberdinekin.

Gaur da jaien azken eguna Gaztelun. Plazan txarangarekin dantza egin ondoren, afaria eta bakarrizketa saioa izango dira.

Erlazionatuak

Herriko gaztetxoak segan aritu dira

Gaztelu

Gazteluko jaien barruan, kirol saioa egin dute herritarrek. Tartean izan dira, 7 eta 11 urte arteko herritarrak segan. Joseba eta Udane Ostolaza ar...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!