Gazteluko lau zinegotzi ohiak errugabetzat jo ditu Gipuzkoako auzitegiak

Gazteluko lau zinegotzi ohiak errugabetzat jo ditu Gipuzkoako auzitegiak
Gazteluko herritarrek babesa eman zieten inputatuei 2015ean.

Gazteluko lau zinegotzi ohiak 2012tik zeuden inputatuta prebarikazio urbanistikoagatik. Gipuzkoako auzitegiak absolbitu egin ditu.

Gipuzkoako auzitegiak aditzera eman du, 2012tik inputatuta zeuden Patxi Iturriaga eta Mikel Belloso alkate ohiek, Yoana Mendez eta Aitziber Barandiaran zinegotzi ohiek, Xabier Otaegi idazkariak eta Juan Jose Otegi eraikitzaileak, ez zutela deliturik egin Erbian Errekako proiektuan. 

Gazteluko Udaberri taldeak salatu zituen EH Bilduko kide horiek 2012an, eta sei urteko kartzela zigorra eta hamar urteko inhabilitazioa eskatzen zituzten. Udaberrik salatu zuen, irregulartasunak izan zirela enpresa eraikitzailea eta udalaren artean, lursaila erosterako orduan. Audientziak epaian azaldu du, partzelaren esleipena legearen barruan eta prezio egokian egin zela, enpresa eraikitzaileak zentzuzko onura bat izan zezan.

Auzia ez da izan ala ez izan. Kontua ekitea da. Atarikide egitea, euskararen aldeko hautua egitea, zure herrian gauzak antolatzea, horren berri ematea, etxetik plazara salto egitea. TOLOSALDEKO ATARIA egiten duzun hori da. Egiten duzun neurrian gara.


EGIN ATARIKIDE!