Iaz tortilla patata lehiaketa irabazi zuen Gardotza Adurriagak irakurri du aurtengo jaien pregoia: «Bihotz handiko herri txiki honetan bolondres lan bikaina egiten da, baita festetan ere, eta hori dena eskertzekoa da. Inguruan ditugun haur guzti hauek egunero erabiltzen duten ilusioa, gogoa eta bizipoza, ea guk, helduok, gutxienez festetan erabiltzeko gaitasuna erakusten dugun. Besterik gabe, ondo pasa, pasatu gabe eta gora Gazteluko festak!».
Txupinazoaren ondoren, herriko dantzariek emanaldia eskaini dute plazan. Tirolinan jauzi egiteko edota zaldiak gidatutako gurdian herrian zehar ibilaldi bat egiteko aukera izan dute gaztetxoek.
Arratsaldean ere ez dute aspertzeko betarik izango haurrek, apar festa eta txokolate jatea izango baitute. Gauean, berriz, herri afaria egingo dute. Tartean, irrintzi lehiaketa herrikoia izango da.
