Andoni Goikoetxea gazteluarraren zain daude Madrilgo Barajas aireportuan. 2013an atxilotu zuten eta zigorra beteta Madrilera eramango dute. Tolosaldetik 10 lagun joan dira Barajas aireportura eta horietako bat da Jon Goikoetxea Boli gazteluarra. "Lehen hegaldia iritsi da jada, 09:05ean, baina hor ez zegoen, galdetu ere egin dugu, baina ez dutela ikusi esan digute", esan dio Ataria Irratiari.
Gazteluarraren abokatuaren arabera, Frantziako zigorra beteta, Espainian ez du inongo kargurik, eta beraz, Barajaseko ohiko tramitea pasata, libre utzi beharko lukete ondorengo orduetan.
Ataria jarraipena egiten ari da, eta albistea eguneratzen joango da.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!