Gaztelun ere udazkenarekin egiten diote tartea kulturari. Kultur Asteburua antolatzen dute urtero eta aurten ere ez dute hutsik egin. Ostiraletik igandera bitarteko ekitaldiak dituzte aukeran. Ostiralean Pettik irekiko du egitaraua 20:00etan eskainiko duen kontzertuarekin. Larunbatean izango dituzte ekitaldi gehienak. Haurrentzako hitzorduak izango dira lehenak; txokolate jatea eta Gamusioen bila. Jolasean aritzeko norberak linterna eta zarata egiteko zartaginak eraman behar ditu. Igandean azokaz gain, sega zorrozten eta pikatzen ikasteko aukera egongo da.
Egitaraua
Azaroak 3, ostirala
- 20:00. Pettiren kontzertua, eskolan.
- 21:30. Pintxo lehiaketa Erroizpe Azpiko Kirol eta Kultur Elkartean.
Azaroak 4, larunbata
- 17:00. Txokolate jatea.
- 18:30. Gamusinoen bila jolasa.
- 20:00. Juan Inazio Hartsuagaren Euskal Mitologia hitzaldia, eskolan.
- 21:00. Kantu afaria Erroizpe Azpiko Kirol eta Kultur Elkartean.
Azaroak 5, igandea
- 10:00. Azoka. Sega zorrozteko eta pikatzeko ikastaroa egongo da goiz osoan zehar.
- 13:30. Erretirodunen bazkaria.
- 16:00. Dantza afrikarren ikastaroa, eskolan.