Sasoi eta indar bereziko pertsona izan behar da zalantzarik gabe ehun urtetik gora betetzeko. Bada Maria Albizu gazteluarrak bietatik soberan duela dirudi. 106 urte bete baitzituen atzo, eta baita behar den moduan ospatu ere.
Albizu Leaburun jaio zen aurreko mendearen hasieran, baina Gaztelura ezkondu ostean, urte mordoa daramatza Eskola etxean bizitzen.
Atzokoa egun berezia izan zen Albizurentzat, eta nola ez familia giro «goxoan» igaro zuen. Arratsaldean, askaritarako esaterako txokolate beroa hartu zuten, urtebetetzea ospatzeko.
Horrez gain, urtero bezala, herriko kultura batzordeko lagunak ere gerturatu ziren bere etxera oparitxo bat emateko. Hain zuzen ere, landare bat oparitu zuten. Eta familia eta herritarrekin tarte polit bat pasatzeko aukera ere izan zuen.
Atzo izan zen bere urtebetetzea eta Kultura batzordekoen oparitxoa jaso zuen
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!