Urteko azken auzolana burutu zuten abenduaren 6an Gaztelun. Herriko jolastoki berria eraikitzen ari dira, eta auzolanean ere bertan aritu ziren lanean. Zorua txukundu zuten, area banatu zuten eta parkearen bueltan setoak landatu zituzten, bertaratu ziren hamabost lagunen artean. Eguraldi kaxkarra izan arren aurreikusita zegoen lana bukatzeko ez zuten arazorik izan. Gauzak honela, Gazteluko jolastoki berria laster izango da erabiltzeko moduan, beti ere, eguraldiak laguntzen badu.
