Iluntzean berriz, bideo emanaldia eskainiko zaie herritarrei. Hasier Etxeberria kazetariak zuzendutako Euskaldunak saioa, hain zuzen ere. Gaztelutarrek euren herrian bertan grabatutako saioa ikusgai izango dute primizian. Izan ere, honako bideoa ETBk Gabonetan emango du lehenengoz. Euskaldunak telebista saioko protagonista hiru euskaldun: Anne Igartiburu, Bernardo Atxaga eta Hilario Arbelaitz.
Ondoren afari herrikoia izango da Erroizpe Azpiko elkartean.
Eta igandean, festa frontoi inguruan bilduko da; bertan egingo baita azoka herriko produktuekin. Umeek gainera zaldi eta zaldikarroan ibiltzeko aukera ere izango dute. Eta bazkaria herriko erretirodunentzat izango da Gazteluko elkartean.