Arkeolan fundazioak 2011. urtean hasitako lanak bukatu ditu Larte-Gaztelun, eta gazteluarrei aurkeztu dizkiete. Larteko barrutia okupatu zeneko garaia duela 2.500 urtekoa da, eta aurkikuntza honekin bederatzi kokaleku daude jada Gipuzkoako Burdin Aroko erroldan, horietako hiru eskualdekoak direlarik; Lartekoa, eta Tolosa eta Albiztur arteko mugan dagoen Intxur, eta Anoetako Basagain.