Ekainaren 25etik uztailaren 24ra goizak lagunartean igarotzeko aukera izango dute Elduaingo gaztetxoek. Astelehenetik ostiralera izango dira saioak, 09:00etatik 13:00etara, baina begiraleak 08:30etik 13:30era egongo dira kultur etxean norbaitek laguntza beharko balu. Aurtengo begiraleak, Axier Gurrutxaga, Maialen Mariezkurrena eta Gaizka Imaz izango dira.
3 urtetatik 14 urtetarako haurrek eman ahalko dute izena udalekuetan. Astean behin eguneko irteera bereziak antolatzeko asmoa dutela jakinarazi dute begiraleek: «3-18 urte bitartekoak bilduko ditugu, denak batera. Udalekuetako begiraleei eta Gaztematikako Irene hezitzailearen elkarlanari esker egingo dugu».
Bertan parte hartzeko interesa duenak, ekainaren 7a arte izango du horretarako aukera formularioa betez. Ordaindu beharreko kuotak partaide kopuruaren araberakoa izango da: haur bat, 50,75 euro; bigarren haurra, 45,75 euro; eta hirugarren haurra, 40,74 euro.