Analisi geografiko baterako hurbilketa egitea da lanaren helburua: euskararen egoerari buruzko datu nagusiak lurralde-ikuspegitik lantzea, mapa berri batzuk proposatuz. Euskal Herri osoa hartu da oinarri, udalerriz udalerri, hainbat informazio-iturri uztartuta.
Txillardegi-Hausnartu Soziolinguistika Sari nagusia Eneko Barberena Mondragonek jasoko du Multinazionalen hizkuntza politika egokirako hainbat gako lanarengatik, eta hirugarrena Jone M. Hernandez Garciak eta Marta Luxan Serranok Hiztunaren genero nahasmendua. Hizkuntza gutxituak, euskara eta generizazio prozesuak lanarengatik.
Sari banaketa abenduaren 14an izango dute eta egileek lan horien laburpenen berri emango dute.