Abenduaren 26an eta 28an, eta urtarrilaren 2an eta 4ean, sei eta hamabi urte bitartekoentzat eskulanak egiteko sormen tailerra antolatu du Elduaingo Udalak. Zorione Mendez Martin izango da irakaslea, eta kultur etxean egingo dituzte saioak, 10:30etik 12:00etara. Azken egunean hamaiketakoa egingo dute.
Parte hartu nahi duenak aurrez eman beharko du izena, udaletxean, abenduaren 22a baino lehen. 10 euroko kostua izango du.