Urriko kulturaldia aurkeztu dute Elduainen

Tolosaldeko Ataria 2022ko urr. 14a, 10:43

Urriaren 23 eta 31rako ikuskizun eta jarduerak antolatu ditu Elduaingo Udalak; urriaren 23an, esaterako, 'Errimak bi oinetan' dantza eta bertso emanaldia ikusteko aukera izango da.

Urriko azken bi asteburuetarako kulturaldia antolatu dute Elduainen. Urriaren 23an, gaztainak biltzera irteera egingo dute, plazatik 10:00etan abiatuta. Hamar urtez beherakoek heldu batekin joan beharko dutela adierazi du udalak. Arratsaldean, 18:00etan, Errimak bi oinetan dantza eta bertso emanaldia eskainiko du Haatik dantza konpainiak, pilotalekuan.

Urriaren 31n Gau Beltza ospatuko dute. 17:00etan hasita, Gau Beltzeko ipuinak kontatuko dituzte elizako atarian. Ondoren, beldurraren ibilbidean kalabazak bildu eta gaztaina jatea egingo dute. Mozorrotuta parte hartzeko deia egin dute, eta mozorroak etxean irudimenarekin sortutakoak izatea gomendatu dute.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!