Festa aurretik egin beharreko lana izaten da herri bazkarirako tiketa hartzearena. Elduaingo festetan irailaren 10ean egingo dute bazkari hori eta dagoeneko eskuragai daude txartelak udal bulegoetan. Helduen menuak 25 euroko kostua izango du eta haurrenak 12 eurokoa. Ordainketa txartelak jasotzeko momentuan bertan egin beharko da, udaletxean, 09:00etatik 15:00etara bitarte. Irailaren 2an udal bulegoak itxita egongo direnez, txartelak eskuratzeko azken egunak irailaren 5a eta 7a izango dira.
Helduen menurako onddo budina, piper beteak, entsalada errusiarra, redondoa saltsan eta gazta tarta prestatuko dituzte, kafea, edaria eta kopa barne. Haurrek, berriz, makarroiak, solomoa eta izozkia izango dituzte.
