Abian dago Master Laboral Kutxa eskuz binakako txapelketa, eta Elduaingo frontoian jaialdia antolatu dute igande honetan. 10:30ean hasiko da, eta lehenengoak jokatzen pilota goxuarekin aritzen direnak izango dira. Zehazki, gazte mailakoek hiru partida jokatuko dituzte, eta ondoren senior mailakoek beste hiru partida jokatuko dituzte.
Azkenik, pilota mistoarekin bi partida jokatuko dira, biak promozio mailan. Lehenengoan Ainhoa Romero eta Irati Zabala bikoteak Olatz Beitia eta Janire Arrizabalaga bikotearen aurka ariko dira. Bigarrengoan, Nagore eta Leire Galeano bikoak Amaia Arrastia eta Irati Paternain bikoa izango du aurkari.