Gau beltza edo arimen eguna bezala ezagutzen den festa ari dira ospatzen eskualdeko hainbat herritan; horietako bat da Elduain. Arratsaldeko 17:00etan herriko plazan egin dute hitzordua, eta bertan azaldu dira herriko gaztetxoak euren mozorroekin azken prestaketak egitera. Aurpegiak margotu ostean, etxez etxe joan dira "Axuli Manduli eman kalabazak" eskatuz. Bildutako kalabaza guztiak hustu ostean, merezitako merienda izango dute herriko plazan: txokolate bero beroa. Jolasak ere prestatu dituzte, eta iluntzean, kandelak piztu eta gaztainak jango dituzte.
Marrazki eta eskulanez apaindu dute goizean Elduaingo plaza, eta arratsaldean berriz, etxez etxeko kalabaza bilketarako mozorrotu dira herriko gazteak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!