Ramon Soroa pilotari ohia hil da, 70 urte zituela, Miamin (AEB). Zesta puntan jokatu zuen elduaindarrak, atzelari moduan, Miami Jai Alairen garai onenetakoan, eta frontoi hori ordezkatu zuen hainbat txapelketetan. Madrilen egin zuen debuta profesionaletan, 1965ean, eta Chicurirekin batera bi torneo irabaztea lortu zuen bertan. 70eko eta 80ko hamarkadetan jokatu zuen Miami Jai Alai pilotalekuan, ohikoa zenean 10.000 ikusle baino gehiagoren aurrean jokatzea. AEBko beste zenbait pilotalekutan ere osatu zuen bere ibilbidea.
