Elduaingo Udalak Kataluniako errepublika onartzeko adierazpena onartu du. Elduaingo Udalaren adierazpen instituzionalak dio Carles Puidgdemont presidenteak Kataluniako independentziaren adierazpena egin eta gero, erabaki historiko horrek Kataluniarentzat duen garrantziagatik eta baita Euskal Herriarentzat ere duen esanahiagatik egin nahi izan dutela aitortza.
Era berean, Kataluniako herritarren borondatea errespetatzea eskatu du, hau behin eta berriro hautestontzietan eta modu demokratikoan adierazi baita.
Bestetik, kataluniarrak zoriondu ditu, bai herritarrak, gizarte eragileak, erakundeak eta alderdi politikoak eta orokorren, errealitate hori posible egiten duten guztiak zoriondu nahi izan ditu. Eta bereziki, azken urteotan lan eta lan aritu diren udal hautetsi guztiei, erakutsi duten kemen eta konpromisoagatik. Elduaindarrentzat eredu direla esan du udalak, eta aldarrikatu du Estaturik gabeko nazio guztiek euren etorkizuna erabakitzeko eskubidea dutela.
Onartutako adierazpena Kataluniako Generalitat-era, Kataluniako Parlament-era eta Kataluniako Independentziaren aldeko Erakundera (AMI) bidaliko dute.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!