Ostiral goizean lehertuko da Elduaingo txupinazoa. Hiru egun iraungo dute festek, eta denetarik izango da. Lehen egunean, batukada erritmoak dantzatzeko eta jotzeko aukera izango da; izan ere, batukada tailerra egingo dute eta bertan ikasitakoa eskainiko dute ondoren. Gauean, berriz, Aingerutxoak lana aurkeztuko dute Berrobiko antzerki taldeko kideek.
Larunbatean, ez da herritarrak elkartzeko aitzakiarik faltako; toka txapelketa herrikoia eta herri bazkaria egingo dituzte, besteak beste. Haurrek nahiago izaten dute jolasean ibili, mahaiaren bueltan eserita egon baino; horregatik, puzgarriak, buruhandi eta zezenak eta soka tira izango dituzte. Festak amaitzeko, Kiki, Moko eta Koko pailazoen ikuskizuna eta Alurr Dantza Taldearen emanaldia izango dira.
Irailak 8, ostirala
11:00. Jaiei hasiera suziri eta kanpai jotzearekin.
11:30. Meza nagusia Santa Katalina elizan.
Ondoren, hamaiketakoa Kontseju tabernan.
16:30. Batukada tailerra.
18:30. Patata tortila pintxoen banaketa eta batukada emanaldia.
20.00. Antzerkia: Aingerutxoak lana Berrobiko antzerki taldearen eskutik.
00.00. Dantzaldia Ingo al deu? taldearen eskutik.
Irailak 9, larunbata
11:00. Haur jolasak eta tailerrak.
13:00. Toka txapelketa plazan haur eta helduentzat.
14:00. Herri bazkaria frontoian.
Bazkal ondoren. Puzgarriak, buruhandi eta zezenak eta soka tira herrikoia.
00:00. Kontzertua Sukarra 37 taldearekin.
01:00. Dantzaldia Elizagoien ahizpak tritilarien eskutik.
Irailak 10, igandea
11:00. Pilota partidak.
12:00. Hamaiketakoa sardina, Ibarrako langostino, txorixo, txakolin eta sagardoarekin.
12:00. Kiki, Moko eta Koko pailazoen emanaldia.
18:30. Txokolatada barrenak goxatzeko.
19:00. Alurr dantza taldaren emanaldia.