Eguraldi petralari jaramon handiegirik egin gabe, elduaindarrak festa egunerako aurreikusitako ibilaldiarekin bete dute larunbat goiza. Izan da, ordea, sukaldean aritu behar izan duenik ere, 60 herritar inguru elkartu baitira, mahaiaren bueltan, urteroko hitzordura.
Arratsaldean, elduaindar gaztetxoenek hainbeste esperotako Altxorraren Bila jokoa egin dute: "Oso gustuko izaten dute haurrek, eta gakoak ezkutatu eta prestatzen dituenak lan handia hartzen du, pentsarazi egiten baitie haurrei", azaldu du antolatzaileetako batek.