Bere amaren heriotzaren ondoren, otsailaren 17an, Espetxeetako Instituzioei «baimen berezia» eskatu zien Eguesek, aitari bisita egiteko. Etxeratek jakinarazi duenez, aita adinez nagusia da, eta hamar urte daramatza alaba ikusi gabe, ikustera joateko egin behar diren «1620 kilometroengatik».
Elkartetik jakinarazi dutenez, baimen horiek «haien familietan oso egoera larriak gertatzen direnean» eskatzen dituzte presoek, eta behin-behinean Euskal Herriko espetxe batera ekartzea suposatuko luke.
Etxeratek epaitegi espainiarrek egoera honen aurrean erakusten duten onarpena ere salatu du: «presioa eta xantaia areagotzeko familia egoera larrien erabilpen horren inguruan epaitegi espainol honek erakusten duen onarpen inplizitua azpimarratu nahi dugu».
Senideek komunikabide honi jakinarazi dioten moduan, "bide guztiak ez dira itxi, eta epailearen aurrean baimena lortzen" saiatuko dira.