Eguneko zenbait unetan, txikienak izan dira protagonista Goiatzen. Goizean haur jolasak egin dituzte; arratsaldean, berriz, haurren krosa. Hori bai, aurtengo Andre Mari festak hasteko zeuden oraindik. Urtero moduan, ezkila-hotsarekin plazara inguratu dira herritarrak, eta festa batzordeko kideek suziria piztu dute.
Gero, poteo herrikoia egin dute, eta 21:00etan herri afaria izango dute frontoian. Segidan, Oier Etxeberriak eta Joanes Azpillagak bertso saioa egingo dute, eta Oilar Beltzak taldearen erromeriarekin amaituko dute festetako lehen eguna.
Datozen bi egunetarako prestatu duten egitaraua ikusteko, egin klik hemen.
