Aingeru Senperena goiaztarrak Euskal Pilotako Nazioen Ligako gurpildun aulkiko paletako finala jokatuko du bihar bere taldekideekin batera. Euskal pilota selekzioa ordezkatuz finalerako sailkatu dira eta Frantziako selekzioaren aurka jokatuko dute Bizkaia frontoian, 18:00etan.
Euskal Pilotako Nazioen Liga Bilbon jokatzen ari da hilaren 23tik 30era bitartean. Finalera iristeko, Senperena eta bere taldekideek ligaxkako partidak jokatu dituzte: Frantziaren aurka galduta dute, eta Portugal eta Argentinaren aurka irabazi. Ligaxkako lehenengo bi selekzioak sailkatu dira finalerako.