Bidania-Goiazko liburutegiak eta Saiaz Mankomunitateak antolatuta tertulia literarioa egin zuten 7.300 miligramo eszitalopram liburuari buruz. Saiora Iratxe Etxebarria egilea bertaratu zen, eta azaroaren 25aren aurreko jarduera gisa egin dute.
Osasun mentala eta emakumea izan zituzten hizpide, besteak beste, eta idazleak garrantzia eman zien prebentzioari eta nork bere burua zaintzeari. Azaldu zuenez, prozesu horiek bizitzen ari diren pertsonei laguntzen die orain, eta bizitza aldatu zaio depresioa izan ondotik.
Antolatzaileen arabera «saio ederra» izan zen: hamalau lagun inguru bertaratu ziren, eta guztiek hartu zuten parte uneren batean.