Gaur agurtu dute Kultur Astea Bidania-Goiatzen. Hogeita hamaularren edizioa izan dute aurtengoa, eta ohi moduan, azken egunean, azoka egin dute. Hala, goizean, inguruko hainbat ekoizle eta artisauek Goiazko plaza hartu dute. Adin desberdinetako herritarrak gerturatu dira bertara, eta festa nagusi izan da plazaren bueltan. Alaitz Aramendi eta Garazi Zubizarreta trikitilariak izan dira giroa animatzen. Gainera, gerturatu direnek mokadu bat hartzeko aukera izan dute; jateko sardina erreak eta taloak eta edateko txakolina eta sagardoa izan baitira.