Bidaniko frontoia sukalde handi bat bihurtu da gaur eguerdian. 44 partaide izan dira IV. Paella Lehiaketan, eta urduritasunak nabariak ziren prestaketa lanak bukatu dituztenean, eta frontoitik atera direnean epaileei bere lana egiten uzteko. Behin erabakia hartuta, jendetza zegoen frontoiaren kanpoko plazaren epaiaren zain. Zortzi finalistak esan dituzte, eta ondoren hiru lehenengoak. Irabazleak Jakes Lasa eta Araia Agirre izan dira, bigarrenak Ixiar Mutuberria eta Maialen Uzkudun, eta podiuma osatu dute Sara Zelaiak eta Arene Uzkudunek. Txalo zaparrada jaso dituzte guztiek.
Behin sariak banatuta, festa batzordea osatzen duten Bidaniko Gazteek mahaiak prestatuta zituzten. Prestatutako paellak eta etxetik eramandako beste jakiak dastatu dituzte parte hartzaileek eta bere ingurukoek, frontoia betez. Festa batzordekoek edaria, postreak eta kafea eskaini dizkiete.