Goizean jolasak izan dituzte eta ondoren beraientzako bazkaria izan dute haurrek. Arratsaldean pilota partidak jokatu dituzte herriko haurrek zein Albizturko bi pilotarik. Lehen partidan Senperena eta Telleria bikoak 22-10 irabazi dio Gorrotxategi eta J. Lasa bikoari, eta bigarrengoan Aburuza eta U. Lasa bikoak 22-16 irabazi dio Zinkunegi eta San Sebastian bikoari.
Haurren ekitaldiak bukatuta, festetako azken uneak falta dira Goiatzen, gaur bukatzen baitira festak. 20:00etan, sagardo afaria dute, Maltzeta, Arbeok eta Txinok girotuta. Ondoren, bingoa. 23:00etan, DJ Xabifesten saioa, eta atsedenaldian, traktore igoera.